ఒక హడావిడినుంచి........ ఇంకొక హడావిడిలోకి..............

ఈ రోజు 'మహాటీవీ' లో సంపూర్ణ కల్కినామస్మరణ జరిగింది.
ఎవడిదైనా వ్యాపారమే, అది కాషాయం కట్టిచేసినా, టక్ చేసి టై పెట్టి చేసినా...
అన్ని టీవీలూ మొదట్లో కల్కిని బాగానే ప్రమోట్ చేసినై.
తెల్లవారుఝామునే ప్రవచనాలు... ఆధ్యాత్మికబోధలు.......
తదితర కార్యక్రమాలతో ఊదరగొట్టినై.
ప్రజలని పుణ్యమార్గాన నడిపించినై. ఎంఓయు బాగున్నన్ని రోజులూ
బ్రహ్మాండంగా నడిచింది. ఎందుకు, ఎక్కడ, ఎలా తేడా వచ్చిందో
పాపం కల్కి బతుకు చానళ్ళ పాలైంది. క్షమించాలి .... చానల్ పాలైంది.

దీని ముందు హడావిడి తెలంగాణ వివాదం. అంతకంటే ముందు
ఇంకొక వివాదం. అంతక ముందు ఇంకోటి... ఒక వివాదంలోంచి ఇంకో
వివాదంలోకి ప్రేక్షకుల / పాఠకుల నిరంతర ప్రయాణమే బతుకుకి
అర్ధంలా కనిపిస్తుంది. నాకైతే టీవీలు, పేపర్లు, రేడియోలు
లేని రోజుల్లో బతికిన బతుకే బతుకు అనిపిస్తుంది. ఏ టెన్షన్లూ ఉండేవి కావు.
దీనిమీద నాకొక రిసెర్చ్ టాపిక్ దొరికింది. 'వార్తలు - ఆరోగ్యంపైన దాని ప్రభావం'
సైకోసోమాటికల్ గా తీసుకుంటే దీనికొక బేస్ దొరుకుతుందనుకుంటా....

చాలామందికి ఈ రంధ్రాన్వేషణ ఒక వినోదం. 'వినేవాడు వి.పి. ఐతే చెప్పేవాడు
ఏమైనా చెబుతాడు ' అనేది నా అభిప్రాయం.

మరి మీరేమంటారు?